மினி பஸ் மோதி மிட்டாய் வியாபாரி பலி

தேவகோட்டை,

தேவகோட்டை பஸ் நிலைய வீதியில் மளிகை கடை நடத்தி வருபவர் அபூபக்கர் சித்திக் (வயது 41). மேலும் இவர் மிட்டாய்களை மோட்டர் சைக்கிளில் எடுத்துக் கொண்டு தேவகோட்டையை சுற்றி உள்ள கிராமங்களில் வியாபாரம் செய்து வருவது வழக்கம். நேற்று வழக்கம்போல சருகணி பகுதியில் வியாபாரம் செய்து விட்டு தேவகோட்டை நோக்கி மோட்டார்சைக்கிளில் திரும்பி வந்து கொண்டிருந்தார். செங்கமடை அருகே வந்தபோது அவ்வழியாக சென்ற மினி பஸ் மோதியதில் படுகாயம் அடைந்த அபூபக்கர் சித்திக் சம்பவ இடத்திலே பலியானார். இந்த விபத்து குறித்து திருவேகம்பத்து போலீசார் வழக்குப்பதிவு செய்து விசாரணை நடத்தி வருகின்றனர்.