கார் மோதி வாலிபர் படுகாயம்

பாப்பிரெட்டிப்பட்டி:

பாப்பிரெட்டிப்பட்டியை அடுத்த புழுதியூரை சேர்ந்தவர் சாரதி (வயது 52). இவர் கோபிநாதம்பட்டி கூட் ரோட்டில் ஓட்டல் நடத்தி வருகிறார். இவருடைய மகன் மதன்குமார் (26). இவர் நேற்று மதியம் சேலம் மாவட்டம் வலசையூரில் உள்ள தனது மாமனார் வீட்டிற்கு மோட்டார் சைக்கிளில் சென்று கொண்டிருந்தார். வழியில் தண்ணீர்தொட்டி பகுதியில் எதிரே வந்த கார், மோட்டார் சைக்கிள் மீது மோதியது. இதில் தூக்கி வீசப்பட்டு மதன்குமார் படுகாயம் அடைந்தார். அவரை அந்த வழியாக சென்றவர்கள் மீட்டு சிகிச்சைக்காக பாப்பிரெட்டிப்பட்டிஅரசு ஆஸ்பத்திரியில் சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. இதுகுறித்து பாப்பிரெட்டிப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.