லாரி மோதி விவசாயி படுகாயம்

பாப்பிரெட்டிப்பட்டி:

பாப்பிரெட்டிப்பட்டி அருகே உள்ள பையர்நத்தம் கிராமத்தை சேர்ந்தவர் ஜெயராமன் (வயது 62). விவசாயி. இவர் திருவண்ணாமலையில் உள்ள தனது அக்கால் வீட்டுக்கு சென்று விட்டு, நேற்று முன்தினம் மதியம் மோட்டார் சைக்கிளில் ஊருக்கு திரும்பி கொண்டிருந்தார். பாப்பிரெட்டிப்பட்டி அருகே வெங்கடசமுத்திரம் பஸ் நிறுத்தம் பகுதியில் சென்றபோது, அந்த வழியாக சென்ற மினி லாரி மோட்டார் சைக்கிள் மீது மோதியது. இதில் கீழே விழுந்த ஜெயராமன் பலத்த காயம் அடைந்தார். இதுகுறித்த புகாரின்பேரில் பாப்பிரெட்டிப்பட்டி போலீசார் வழக்குப்பதிவு செய்து விசாரணை நடத்தி வருகிறார்கள்.