சரக்கு லாரி மோதி வாலிபர் சாவு

கேரள மாநிலம், பாலக்காடு பகுதியை சேர்ந்த ராமகிருஷ்ணன் என்பவரின் மகன் ரெதீஷ் (வயது 29). இவர் திருப்பூர் திருமுருகன்பூண்டியை அடுத்த அம்மாபாளையம் ராக்கியாபாளையம் ரோட்டில் டீக்கடை நடத்தி வந்தார். நேற்று காலை ரெதீஷ் அந்த பகுதியில் சாலையோரம் நடந்து சென்று கொண்டிருந்தார். அப்போது அந்த வழியாக வந்த சரக்கு லாரி ரெதீஷ் மீது பயங்கரமாக மோதியது. இதில் நிலைதடுமாறி கீழே விழுந்த அவர் மீது லாரியின் பின்சக்கரம் ஏறி இறங்கியது. இதில் ரெதீஷ் சம்பவ இடத்திலேயே உடல் நசுங்கி பரிதாபமாக பலியானார். இதுகுறித்து தகவலறிந்த திருமுருகன்பூண்டி போலீசார் சம்பவ இடத்திற்கு விரைந்து சென்று உடலை கைப்பற்றி, திருப்பூர் அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து வழக்குப் பதிவு செய்த திருமுருகன்பூண்டி போலீசார் விபத்தை ஏற்படுத்திய லாரி டிரைவர் ரவீந்திரன் என்பவரை கைது சரக்கு லாரி மோதி வாலிபர் சாவுசெய்தனர்.