தியாகதுருகம் தெற்கு ஒன்றிய தி.மு.க. செயல்வீரர்கள் ஆலோசனை கூட்டம்

தியாகதுருகம்,

தியாகதுருகம் தெற்கு ஒன்றிய தி.மு.க. செயல் வீரர்கள் ஆலோசனை கூட்டம் விருகாவூரில் உள்ள ஒரு தனியார் மண்டபத்தில் நடைபெற்றது. இதற்கு அவைத்தலைவர் சாமிதுரை தலைமை தாங்கினார். கள்ளக்குறிச்சி மாவட்ட ஊராட்சி குழு தலைவர் புவனேஸ்வரி பெருமாள், தலைமைச் செயற்குழு உறுப்பினர் எத்திராசு, ஒன்றிய துணை செயலாளர்கள் கணேசன், ராமலிங்கம் ஆகியோர் முன்னிலை வகித்தனர். மாவட்ட பிரதிநிதி கலியன் வரவேற்றார்.

சிறப்பு அழைப்பாளராக தியாகதுருகம் தெற்கு ஒன்றிய செயலாளர் கே.கே. அண்ணாதுரை கலந்து கொண்டு வாக்குச்சாவடி முகவர் குழு அமைப்பது குறித்தும், வாக்காளர் சேர்த்தல் முகாமில் பெயர் சேர்த்தல் மற்றும் நீக்குதல் பணிகளை மேற்கொள்வது குறித்து ஆலோசனை வழங்கி பேசினார்.

கூட்டத்தில் வருகிற நாடாளுமன்ற தேர்தலில் கள்ளக்குறிச்சி தொகுதியில் அதிக வாக்குகள் வித்தியாசத்தில் தி.மு.க. வேட்பாளர் வெற்றி பெற செய்ய வேண்டும் உள்ளிட்ட பல்வேறு தீர்மானங்களும் நிறைவேற்றப்பட்டது.

இதில் மாவட்ட பிரதிநிதிகள் சுப்பு இளங்கோவன், மடம் பெருமாள், ஒன்றிய துணைச் செயலாளர் தேவி பழனிவேல் உள்பட தியாகதுருகம் தெற்கு ஒன்றியத்துக்கு உட்பட்ட அனைத்து பிரிவு நிர்வாகிகள், கிளை செயலாளர்கள் கலந்து கொண்டனர். முடிவில் கிளைசெயலாளர் கோவிந்தராஜ் நன்றி கூறினார்.