வேளாண் கருவிகளை வாடகைக்கு எடுக்க வசதி

திருப்பூர்

வேளாண் பொறியியல் துறை மூலமாக திருப்பூர் மாவட்டத்தில் விவசாயிகளுக்கு உழவு பணிகள், அறுவடைப்பணிகள், நிலம் சமப்படுத்துதல் பணிகள் மேற்கொள்ள குறைந்தவாடகையில் வேளாண் எந்திரங்கள், கருவிகள் வாடகைக்கு வழங்கப்படுகிறது.

டிராக்டர் உழவுக்கருவியுடன் 1 மணி நேரத்துக்கு ரூ.500, மண் மள்ளும் எந்திரம் 1 மணி நேரத்துக்கு ரூ.1,230, சக்கரவகை மண் அள்ளும் எந்திரம் 1 மணி நேரத்துக்கு ரூ.890 என வாடகை நிர்ணயிக்கப்பட்டுள்ளது. மேலும் வாகனத்துடன் இயக்கக்கூடிய தேங்காய் பறிக்கும் எந்திரம் 1 மணி நேரத்துக்கு ரூ.450 வாடகை நிர்ணயிக்கப்பட்டுள்ளது.

வேளாண் எந்திரங்கள், கருவிகள் வாடகைக்கு தேவைப்படுவோர் இ-வாடகை செயலி மூலம் முன்பதிவு செய்து முன்பணம் செலுத்தி பயன்பெறலாம். மேலும் விவரங்களுக்கு வேளாண்மை பொறியியல் உதவி செயற்பொறியாளர் அலுவலகத்தை தொடர்பு கொள்ளலாம் என்று கலெக்டர் வினீத் தெரிவித்துள்ளார்.

----