விவசாயிகளுக்கு வேளாண்மை கல்லூரி மாணவிகள் செயல் விளக்கம்

சிவகிரி:

வாசுதேவநல்லூர் எஸ்.தங்கப்பழம் வேளாண்மைக் கல்லூரியில் இறுதியாண்டு பயிலும் மாணவிகள் ஊரக வேளாண் அனுபவ பாடத்திற்காக சிவகிரி மற்றும் வாசுதேவநல்லூர் வட்டார பகுதியில் 75 நாட்கள் முகாமிட்டுள்ளனர்.

கல்லூரி முதல்வர் ராமலிங்கம் தலைமையில், உதவி பேராசிரியர்கள் ராஜேஸ்வரன் மற்றும் சுமிதா பாரதி, வட்டார இணை வேளாண் இயக்குனர் இளஞ்செழியன், வேளாண் இயக்குனர் கவுசல்யா ஆகியோரின் ஆலோசனையின்படி உதவி வேளாண் அலுவலர் சாகுல் ஹமீத் முன்னிலையில் சிவகிரி அருகே நாரணாபுரம் கிராமத்தில் உள்ள தனியார் விவசாய நிலத்தில் மாணவிகள் அம்ரிஷா, பிபினி, காவியா கிருஷ்ணா, கிருஷ்ண பிரியா, மனிஷா குளோரா, நஸ்ரின் பாத்திமா, ரோஷினி, சௌமியா, தங்ககீதா ஆகியோர் ஒன்றாக இணைந்து தரமான விதைகளை தேர்ந்தெடுக்கும் முறைகள் குறித்து செயல் விளக்கம் அளித்தனர். தொடர்ந்து நெல் வரப்பில் உளுந்து விதைகள் விதைத்து விவசாயிகளுக்கு செயல் விளக்கம் அளித்தனர்.