மது கடத்திய வாலிபர் கைது

வேதாரண்யம்:

வேதாரண்யம் போலீஸ் சிறப்பு சப்-இன்ஸ்பெக்டர் சேகர் மற்றும் போலீசார் வேதாரண்யம் கோடியக்கரை சாலையில் அவுலியாகனி தர்கா அருகே மெயின்ரோட்டில் வாகன சோதனையில் ஈடுபட்டனர். அப்போது வேதாரண்யத்தில் இருந்து கோடியக்கரை நோக்கி வந்த மோட்டார் சைக்கிளை நிறுத்தி சோதனை செய்தனர்.

இதில் மதுபாட்டில்கள் இருந்தது. அதனை தொடர்ந்து மோட்டார் சைக்கிளில் வந்தவரிடம் விசாரணை நடத்தினர். விசாரணையில் அவர், மயிலாடுதுறை மாவட்டம், தரங்கம்பாடி சின்னங்குடி பகுதியை சேர்ந்த சுபாஷ் (வயது25) என்பது தெரிய வந்தது. இதுகுறித்து வேதாரண்யம் போலீசார் வழக்குப்பதிவு செய்து சுபாஷை கைது செய்தனர். மேலும் அவரிடம் இருந்து மதுபாட்டில்கள் மற்றும் கடத்தலுக்கு பயன்படுத்திய மோட்டார் சைக்கிளையும் பறிமுதல் செய்தனர்.