அனைத்து கிராம அண்ணா மறுமலர்ச்சி திட்ட கூட்டம்

திட்டச்சேரி:

திருமருகல் ஒன்றியம் கோபுராஜபுரம் ஊராட்சியில் அனைத்து கிராம அண்ணா மறுமலர்ச்சி திட்ட ஒருங்கிணைப்பு குழு கூட்டம் நடந்தது. கூட்டத்துக்கு ஊராட்சி மன்ற தலைவர் உமாமகேஸ்வரி ரமேஷ் தலைமை தாங்கினார். மாவட்ட ஊரக வளர்ச்சி முகமை உதவி திட்ட அலுவலர் செல்வம், வட்டார வளர்ச்சி அலுவலர் (கிராம ஊராட்சி) ஜவகர் ஆகியோர் முன்னிலை வகித்தனர்.இதில் இலவச வீட்டுமனை பட்டா, முதியோர் உதவித்தொகை, விதவை உதவித்தொகை, சாலை வசதி, குடிநீர் வசதி, மின்சார வசதி, மயான வசதி, சமுதாயக்கூடம் அமைத்து தரக்கோரி 50-க்கும் மேற்பட்ட பொதுமக்கள் மனுக்களை அளித்தனர்.இதில் கால்நடை உதவி டாக்டர் பெரோஸ் முகமது, சமூக நலத்துறை அலுவலர் தமிழரசி, வேளாண்மை உதவி அலுவலர் முகமது ஜாக்கீர், தோட்டக்கலை துறை உதவி அலுவலர் சரவண அய்யப்பன் மற்றும் பல்வேறு துறை அதிகாரிகள் கலந்து கொண்டு தங்கள் துறைகள் மூலம் வழங்கப்படும் திட்டங்கள் குறித்து எடுத்துக் கூறினார்.முடிவில் ஊராட்சி செயலாளர் பாலசுந்தரம் நன்றி கூறினார்.