அகில இந்திய அளவிலான பரதநாட்டிய திருவிழா

தஞ்சை தென்னக பண்பாட்டு மையத்தில் அகில இந்திய அளவிலான பரதநாட்டிய திருவிழா நடைபெற்றது. இதில் பல்வேறு மாநிலங்களை சேர்ந்த 100 கலைஞர்கள் கலந்து கொண்டனர்.

பரதநாட்டிய திருவிழா

தேசிய பரதநாட்டிய அகாடமி சார்பில் 53-வது அகில இந்திய அளவிலான பரதநாட்டிய திருவிழா தஞ்சை தென்னக பண்பாட்டு மையத்தில் நேற்று நடைபெற்றது. இந்த திருவிழா காலை 9 மணிக்கு தொடங்கிய இரவு 8 மணி வரை நடைபெற்றது.

இந்த போட்டிகளை திட்ட அதிகாரி ரவீந்திரகுமார், மைத்ரிராஜகோபாலன், தேசிய பரதநாட்டிய அகாடமி தலைவர் அனிதா ஆகியோர் போட்டிகளை தொடங்கி வைத்தனர். இதில் 4 வயது முதல் 60 வயது வரை உள்ள பரதநாட்டிய கலைஞர்கள் கலந்து கொண்டு பரதநாட்டியம் ஆடினர்.

100 கலைஞர்கள் பங்கேற்பு

இந்த நிகழ்ச்சியில் தனி நபர் நடனம் மற்றும் குழு நடனம் ஆகியவை நடைபெற்றது. குழு நடனங்களில் அதிக பட்சமாக 4 பேர் முதல் 6 பேர் வரை பங்கேற்றனர். இதில் தமிழ்நாடு, புதுச்சேரி, ஆந்திரா, கர்நாடகா, தெலுங்கானா உள்பட இந்தியாவின் பல்வேறு மாநிலங்களில் இருந்து 100-க்கும் மேற்பட்ட பரதநாட்டிய கலைஞர்கள் கலந்து கொண்டனர்.

இந்த நாட்டிய விழாவில் பங்கேற்ற அனைத்து கலைஞர்களுக்கும் பிரகதீஸ்வரா தேசிய விருது மற்றும் சான்றிதழ்கள் வழங்கப்பட்டன. இந்த போட்டிக்கான ஏற்பாடுகளை நாட்டிய கலைஞர் சுவாதிபரத்வாஜ் செய்திருந்தார்.