மயக்க மருந்து கலந்து கொடுத்து என்ஜினீயரிங் மாணவி பலாத்காரம்

குளச்சல்,

மணவாளக்குறிச்சி அருேக குளிர்பானத்தில் மயக்க மருந்து கலந்து கொடுத்து என்ஜினீயரிங் மாணவியை பலாத்காரம் செய்து வீடியோ எடுத்து மிரட்டிய கார் டிரைவர் மீது போலீசார் வழக்குப்பதிவு செய்து விசாரணை நடத்தி வருகிறார்கள்.

கார் டிரைவர்

மணவாளக்குறிச்சி அருகே உள்ள கொல்லன்விளையை சேர்ந்தவர் பாலகிருஷ்ணன். இவருடைய மகன் பிபின் பிரியன் (வயது29), கார் டிரைவர். இவருக்கும் 23 வயதுடைய என்ஜினீயரிங் கல்லூரி மாணவி ஒருவருக்கும் இடையே பழக்கம் ஏற்பட்டது. இந்த மாணவிக்கு உடன் பிறந்த சகோதரர்கள் இல்லாததால் மாணவி வெளியே செல்லும்போது பிபின் பிரியனை துணையாக அழைத்து செல்வது வழக்கம்.

இந்தநிலையில் சம்பவத்தன்று பிபின் பிரியன் தனது நண்பரின் காரில் மாணவியை காரில் ஏற்றி கல்லூரியில் இருந்து வீட்டுக்கு சென்று கொண்டிருந்தார். செல்லும் வழியில் திருநயினார்குறிச்சியில் வந்த போது தனது நண்பரை பார்க்க வேண்டும் என கூறி நண்பரின் வீட்டிற்கு அழைத்து சென்றார்.

குளிர்பானத்தில் மயக்க மருந்து

அங்கு பிபின் பிரியன் மாணவிக்கு மயக்க மருந்து கலந்த குளிர்பானம் கொடுத்தார். அதை குடித்த மாணவி சிறிது நேரத்தில் மயங்கினார். அப்போது பிபின் பிரியன் மாணவியை பாலியல் பலாத்காரம் ெசய்தார். பின்னர் சிறிது நேரம் கழித்து மயக்கம் தெளிந்த மாணவியை மீண்டும் காரில் ஏற்றி வீட்டில் கொண்டு விட்டார்.

மறுநாள் மாணவியின் செல்போனில் பேசிய பிபின் பிரியன், ' உன்னை பலாத்காரம் செய்த ஆபாச வீடியோ என்னிடம் உள்ளது. எனவே நான் அழைக்கும் போதெல்லாம் எனது ஆசைக்கு இணங்க வேண்டும். இல்லையென்றால் இந்த ஆபாச வீடியோவை உன் பெற்றோருக்கும், இணைய தளத்திலும் பரப்பி விடுவேன். இதை யாரிடமாவது கூறினால் உன் மீது திராவகம் வீசுவேன். அல்லது கார் ஏற்றி கொன்று விடுவேன்' என மிரட்டினார்.

போலீசில் புகார்

இதை கேட்டு அதிர்ச்சியடைந்த மாணவி குளச்சல் மகளிர் போலீசில் புகார் செய்தார். அந்த புகாரின் அடிப்படையில் பிபின் பிரியன் மீது போலீசார் பாலியல் பலாத்காரம் மற்றும் கொலை மிரட்டல் ஆகிய பிரிவுகளில் வழக்குப்பதிவு செய்தனர். இதற்கிடைேய பிபின் பிரியன் தலைமறைவானார். அவரை போலீசார் தேடி வருகின்றனர்.

பிபின் பிரியன் மீது மணவாளக்குறிச்சி போலீஸ் நிலையத்தில் கொலை முயற்சி, கொலை மிரட்டல் உள்பட 5 வழக்குகளும், மண்டைக்காடு போலீஸ் நிலையத்தில் 1 வழக்கும் நிலுவையில் உள்ளது குறிப்பிடத்தக்கது.