ஓடும் பஸ்சில் இருந்து தவறி விழுந்த முதியவர் பலி

தொண்டன்துளசி கிராமத்தைச் சேர்ந்தவர் கணேசன் (வயது 65). இவர் நேற்று முன்தினம் வேலூரில் இருந்து லத்தேரி வழியாக தொண்டன்துளசி செல்லும் அரசு டவுன் பஸ்சில் சென்று கொண்டிருந்தார். தொண்டன்துளசி அருகில் ஒரு வளைவில் பஸ் சென்றபோது, கணேசன் நிலை தடுமாறி பஸ்சில் இருந்து தவறி விழுந்தார். இதில் பலத்த காயம் அடைந்த அவர் சிகிச்சைக்காக வேலூர் அடுக்கம்பாறை அரசு மருத்துவக் கல்லூரி மருத்துவமனையில் சேர்க்கப்பட்டார். அங்கு சிகிச்சை பலனின்றி நேற்று அவர் பரிதாபமாக இறந்தார்.

இதுகுறித்து போலீஸ் சப்-இன்ஸ்பெக்டர் குமார் வழக்குப்பதிவு செய்து விசாரணை நடத்தி வருகிறார்.