அடையாளம் தெரியாத வாகனம் மோதி வாலிபர் பலி

வாலாஜா

வாலாஜா பாரதி தெருவை சேர்ந்தவர் கார்த்தி (வயது 28). தனியார் பட்டாசு கடையில் கூலி வேலை செய்துவந்தார். இவர் வாலாஜாபேட்டை- அம்மூர் சாலையில் நேற்று முன்தினம் இரவு 10 மணி அளவில் அடையாளம் தெரியாத வாகனம் மோதி சம்பவ இடத்திலேயே பலியானார்.

இதுகுறித்து தகவலறிந்ததும் வாலாஜா போலீசார் சம்பவ இடத்திற்கு விரைந்து சென்று உடலை கைப்பற்றி வாலாஜா அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்குப் பதிவு செய்து விசாரணை நடத்தி வருகின்றனர்.