அந்தியூர் வாரச்சந்தையில் ரூ.3 லட்சத்துக்கு வெற்றிலை விற்பனை

அந்தியூர் வாரச்சந்தையில் வெற்றிலை விற்பனை நடைபெற்றது. இந்த சந்தைக்கு அந்தியூர், காட்டுப்பாளையம், வேம்பத்தி, அத்தாணி, ஆப்பக்கூடல், கள்ளிப்பட்டி, எண்ணமங்கலம், கோவிலூர், வட்டக்காடு உள்பட பல்வேறு பகுதிகளில் இருந்து ஏராளமான விவசாயிகள் வெற்றிலைகளை விற்பனைக்காக கொண்டு வந்திருந்தனர். 100 வெற்றிலைகளை கொண்டது ஒரு கட்டு ஆகும். ராசி வெற்றிலை கட்டு ஒன்று குறைந்தபட்ச விலையாக ரூ.80-க்கும், அதிகபட்ச விலையாக ரூ.100-க்கும், பீடா வெற்றிலை குறைந்தபட்ச விலையாக ரூ.40-க்கும், அதிகபட்ச விலையாக ரூ.60-க்கும், செங்காம்பு வெற்றிலை கட்டு ஒன்று ரூ.16-க்கும் விற்பனை செய்யப்பட்டது. வெற்றிலை ெமாத்தம் ரூ.3 லட்சத்துக்கு விற்பனை ஆனது. ஈரோடு, பெருந்துறை, திருப்பூர், பொள்ளாச்சி, கோவை, தர்மபுரி உள்பட பல்வேறு பகுதிகளில் இருந்து வியாபாரிகள் இங்கு வந்து வெற்றிலைகளை வாங்கி சென்றனர்.