கால்நடை சுகாதார விழிப்புணர்வு முகாம்

திட்டச்சேரி:

திருமருகல் ஒன்றியம் பனங்குடி ஊராட்சியில் சிறப்பு கால்நடை சுகாதார மற்றும் விழிப்புணர்வு முகாம் நடந்தது. முகாமிற்கு ஊராட்சி மன்ற தலைவர் ஜமுனா செந்தில்குமார் தலைமை தாங்கினார்.கால்நடை உதவி இயக்குனர் விஜயகுமார், கால்நடை உதவி டாக்டர் பெரோஸ் முகமது ஆகியோர் முன்னிலை வகித்தனர்.கால்நடை உதவி டாக்டர் பூபதி வரவேற்றார். இதில் கால்நடைகளுக்கு தடுப்பூசி, பசு மற்றும் எருமை இனங்களுக்கு செயற்கை முறை கருவூட்டல், சினைப் பரிசோதனை, மலடு நீக்கம், கன்றுகள், ஆடுகளுக்கு குடற்புழு நீக்கம், கோழிகளுக்கு வெள்ளைக் கழிச்சல் தடுப்பூசி ஆகியவை போடப்பட்டது. இந்த முகாமில் 650-க்கும் மேற்பட்ட கால்நடைகளுக்கு சிகிச்சை அளிக்கப்பட்டது. இதில் சிறந்த கால்நடை உரிமையாளர்களுக்கு பரிசுகள் வழங்கப்பட்டன.மேலும் விவசாயிகளுக்கு கால்நடை வளர்ப்பு மற்றும் பராமரிப்பு குறித்து ஆலோசனைகள் வழங்கப்பட்டது. இதில் கால்நடை ஆய்வாளர் பாரிவேந்தன், பராமரிப்பு உதவியாளர் கிருஷ்ணகுமார், சிவராணி, வார்டு உறுப்பினர் பாலமுருகன் மற்றும் கால்நடை உரிமையாளர்கள் கலந்து கொண்டனர்.