அங்கன்வாடி ஊழியர் தூக்கு மாட்டி தற்கொலை.

சேவூர்,

சேவூர் அருகே அங்கன்வாடி மைய ஊழியர், தூக்கு மாட்டி தற்கொலை செய்து கொண்டார்.

பாப்பாங்குளம் கிராமத்தில் வசித்து வருபவர் குழந்தைவேல் மனைவி மரகதம் (வயது 38). இவர்களுக்கு இந்துகாந்த் (வயது 20), சவுபர்ணிகா (வயது 14) என இரு குழந்தைகள் உள்ளனர். மரகதம், சேவூர் பவர்ஹவுஸ் எம்.ஜி.ஆர்.நகரில் அங்கன்வாடி ஊழியராக பணியாற்றி வந்தார். இவர் கடந்த ஒரு வருடமாக வயிற்று வலி காரணமாக சிகிச்சை பெற்று வந்தார். தீராத வயிற்று வலியால் வேதனைப்பட்டு வந்தவர் நேற்று முன்தினம் வீட்டில் தூக்கு மாட்டி தற்கொலை செய்து கொண்டார்.தகவலறிந்து அங்கு சென்ற சேவூர் போலீசார் மரகதத்தின் உடலை மீட்டு அவினாசி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இது குறித்து போலீசார் விசாரித்து வருகின்றனர்.