ஏரலில் அண்ணா பிறந்தநாள் விழா:500 ஏழைபெண்களுக்கு இலவச சேலை

ஏரல்:

ஏரலில் அண்ணா பிறந்தாள் விழா பொதுக்கூட்டம் மற்றும் ஸ்ரீவைகுண்டம் கிழக்கு ஒன்றிய ஜெ.பேரவை சார்பில் 500 ஏழை பெண்களுக்கு இலவச சேலை வழங்கும் நிகழ்ச்சி நடந்தது. இந்த நிகழ்ச்சிக்கு ஸ்ரீவைகுண்டம் யூனியன் தலைவர் வசந்தாமணி தலைமை தாங்கினார். ஸ்ரீவைகுண்டம் கிழக்கு ஒன்றிய ஜெ. பேரவை செயலாளர் அன்னை வி.ஜி.சரவணன் வரவேற்று பேசினார். இதில் கலந்துகொண்டு தெற்கு மாவட்ட அ.தி.மு.க. செயலாளர் எஸ்.பி.சண்முகநாதன் 500 பெண்களுக்கு இலவச சேலை வழங்கி சிறப்புரை ஆற்றினார். இந்தக் கூட்டத்தில் கட்சி பேச்சாளர்கள் சின்னையா, சங்கரன்கோவில் கணபதி, ஒன்றிய செயலாளர்கள் காசிராஜன், விஜயகுமார், உமரிக்காடு பஞ்சாயத்து தலைவர் ராஜேஷ் குமார் உள்பட பலர் கலந்து கொண்டனர்.