போதை ஒழிப்பு விழிப்புணர்வு ஊர்வலம்

கமுதி,

தமிழக மாநில ஊரக வாழ்வாதார இயக்கம் மற்றும் "நம்ம ஊரு சூப்பரு" திட்டம் ஆகியவை சார்பில், போதை ஒழிப்பு விழிப்புணர்வு ஊர்வலம் கமுதி மீனாட்சி சுந்தரேஸ்வரர் கோவில் முன்பு ெதாடங்கியது. ஊர்வலத்தை ஊராட்சி ஒன்றிய குழு தலைவர் தமிழ்ச்செல்வி போஸ் தலைமை தாங்கி தொடங்கி வைத்தார். வட்டார வளர்ச்சி அலுவலர் ராஜகோபால், துணை வட்டார வளர்ச்சி அலுவலர் சத்தியேந்திரன் முன்னிலை வகித்தார். இதில் மகளிர் சுய உதவிக் குழுவை சார்ந்த 500-க்கும் மேற்பட்ட பெண்கள் கலந்து கொண்டனர்.ஊர்வலத்தில் போதை ஒழிப்பு வாசகங்கள் அடங்கிய பதாகைகளை ஏந்தி, கோஷங்கள் எழுப்பினர். இதற்கான ஏற்பாடுகளை வட்டார இயக்க மேலாளர் மயில்ராஜ் செய்திருந்தார்.