மோட்டார் சைக்கிள் மோதி கட்டிட மேஸ்திரி பலி

ஓசூர்

ஓசூர் அரசனட்டி சூர்யா நகர் பகுதியை சேர்ந்தவர் முத்து (வயது 55). கட்டிட மேஸ்திரி. இவர், சம்பவத்தன்று பெங்களூரு-ஓசூர் தேசிய நெடுஞ்சாலையில் உள்ள தனியார் நிறுவனம் அருகே நடந்து சென்று கொண்டிருந்தார். அப்போது அந்த வழியாக வந்த மோட்டார் சைக்கிள், முத்து மீது மோதியது. இதில் அவர் படுகாயமடைந்தார். அவரை அக்கம் பக்கத்தினர் மீட்டு சிகிச்சைக்காக ஓசூர் அரசு மருத்துவமனைக்கு கொண்டு சென்றனர். ஆனால் வழியிலேயே அவர் பரிதாபமாக உயிரிழந்தார். இதுகுறித்து ஓசூர் சிப்காட் போலீசார் வழக்குப்பதிவு செய்து விசாரணை நடத்தி வருகின்றனர்.