குருபரப்பள்ளி அருகேமோட்டார் கேபிள் வயர் திருடிய 2 பேர் கைது

குருபரப்பள்ளி

குருபரப்பள்ளி அருகே உள்ள ராகிமானப்பள்ளியை சேர்ந்தவர் முருகன் (வயது 40). விவசாயி. இவரது நிலத்தில் இருந்த 60 மீட்டர் மோட்டார் கேபிள் வயர் திருட்டு போனது. இது குறித்து முருகன் குருபரப்பள்ளி போலீசில் புகார் செய்தார். அதன் பேரில் போலீசார் நடத்திய விசாரணையில் கேபிள் வயரை திருடியது மகராஜகடை அருகே உள்ள பாம்புகாரன்கொட்டாய் பகுதியை சேர்ந்த பழனிமுத்து (24), பங்களா குருபரப்பள்ளியை சேர்ந்த ராஜ்குமார் (22) என தெரிய வந்தது. இதையடுத்து அவர்கள் 2 பேரையும் போலீசார் கைது செய்தனர்.