தேன்கனிக்கோட்டை பெட்டிக்கடைக்காரரை தாக்கிய வாலிபர் கைது

தேன்கனிக்கோட்டை

தேன்கனிக்கோட்டை தாலுகா சின்னபூதகோட்டை கிராமத்தை சேர்ந்தவர் திம்மப்பா (வயது 45). இவர் அந்த பகுதியில் பெட்டிக்கடை நடத்தி வருகிறார். நேற்று முன்தினம் அப்பகுதியை சேர்ந்த குருபிரசாத் (20) என்பவர் திம்மப்பாவிடம் தகராறு செய்து தாக்கினார். இதில் திம்மப்பா படுகாயமடைந்தார். உறவினர்கள் அவரை மீட்டு தேன்கனிக்கோட்டை அரசு மருத்துவமனையில் சேர்த்தனர். பின்னர் மேல்சிகிச்சைக்காக கிருஷ்ணகிரி அரசு மருத்துவமனைக்கு அவர் அனுப்பி வைக்கப்பட்டார். இது குறித்த புகாரின்பேரில் தேன்கனிக்கோட்டை போலீசார் வழக்குப்பதிவு செய்து குருபிரசாத்தை கைது செய்தனர்.