பணம்வைத்து சூதாடிய 4 பேர் கைது

தொண்டி,

தொண்டி பஸ் நிலையம் பின்புறம் உள்ள வட்ட கேணி பகுதியில் தொண்டி போலீஸ் இன்ஸ்பெக்டர் முருகேசன் தலைமையில் போலீசார் அந்தபகுதியில் அதிரடி சோதனையில் ஈடுபட்டனர். அப்போது சிலர் பணம் வைத்து சூதாடியது தெரியவந்தது. உடனே அவர்களை சுற்றிவளைத்து கைது செய்த போலீசார் அவர்களிடம் இருந்து ரூ. 40 ஆயிரத்து 890 மற்றும் சீட்டுக்கட்டுகளை பறிமுதல் செய்தனர். இதுதொடர்பாக தொண்டி வட்டக்கேணி பகுதியை சேர்ந்த பாலமுருகன் (வயது 34), கருப்பையா (28), சின்னமணி (24), முருகன் (42) ஆகிய 4 பேர் மீது வழக்குப்பதிவு செய்து கைது செய்தனர்.