மாணவியை கர்ப்பமாக்கிய வாலிபர் கைது

காரைக்குடி,

சாக்கோட்டை அருகே உள்ள ஒரு கிராமத்தை சேர்ந்தவர் 16 வயது சிறுமி. இவர் அரசு பள்ளியில் 10-ம் வகுப்பு படித்து வருகிறார். சம்பவத்தன்று மாணவி விஷம் குடித்து மயங்கி கிடந்தார். அவரை குடும்பத்தினர் மீட்டு ஆஸ்பத்திரியில் சேர்த்தனர். இதுகுறித்து மாணவியிடம் அவரது பெற்றோர் கேட்டுள்ளனர். அப்போது தனக்கும், சிற்பியாக வேலை செய்து வரும் முத்துக்குமாருக்கும் (வயது 28) பழக்கம் ஏற்பட்டதாகவும், அதில் தான் கர்ப்பம் அடைந்ததாகவும் கூறியுள்ளார். இதை கேட்டு அதிர்ச்சி அடைந்த அவர்கள் இது தொடர்பாக காரைக்குடி அனைத்து மகளிர் ேபாலீசில் புகார் செய்தனர். அதன்பேரில் போலீசார் போக்சோ சட்டத்தின் கீழ் வழக்குப்பதிவு செய்து முத்துக்குமாரை கைது செய்தனர்.