ரேஷன் அரிசி கடத்திய வாலிபர் கைது

கடந்த ஆண்டு ஏப்ரல் மாதம் ராமநாதபுரம் மாவட்டத்தில் இருந்து சேலம் வழியாக கர்நாடக மாநிலத்திற்கு ரேஷன் அரிசியை கடத்தி சென்ற லாரியை உணவு கடத்தல் தடுப்பு பிரிவு போலீசார் சேலத்தில் மடக்கி பிடித்தனர். அதில் இருந்து 20 டன் ரேஷன் அரிசி பறிமுதல் செய்யப்பட்டது. இந்த ரேஷன் அரிசி கடத்தல் தொடர்பாக ராமநாதபுரம் மாவட்டம் கடலாடி தாலுகா பகுதியை சேர்ந்த வடிவேல்முருகன் (வயது 30) என்பவர் மீது போலீசார் வழக்குப்பதிவு செய்து தேடி வந்தனர். மேலும் அவரை பிடிக்க உணவு கடத்தல் தடுப்பு பிரிவு சார்பில் தனிப்படை அமைக்கப்பட்டது. இந்த நிலையில் 10 மாதங்களுக்கு பிறகு தனிப்படையினர் நேற்று வடிவேல்முருகனை கைது செய்தனர்.