காரிமங்கலம் அருகே 14 வயது சிறுமியை கடத்தியவர் கைது

காரிமங்கலம்:

காரிமங்கலம் அருகே உள்ள ஒரு கிராமத்தை சேர்ந்த 14 வயது சிறுமி, அரசு பள்ளியில் 9-ம் வகுப்பு படித்து வருகிறார். கடந்த சில திங்களுக்கு முன்பு உறவினர் வீட்டுக்கு செல்வதாக கூறிய சென்ற சிறுமி மாயமானார். அவரை குடும்பத்தினர் பல்வேறு இடங்களில் தேடினர். இதனிடையே சிறுமி மீண்டும் வீடு திரும்பினார். அவரிடம் விசாரித்தபோது, சீகலஅள்ளியை சேர்ந்த ராஜேந்திரன் மகன் அஸ்வின் (வயது 22) கடத்தி சென்றதாக கூறினார். இதுகுறித்து காரிமங்கலம் அனைத்து மகளிர் போலீசில் புகார் அளிக்கப்பட்டது. அதன்பேரில் போலீசார் போக்சோ சட்டத்தின் கீழ் வழக்குப்பதிவு செய்தனர். இந்தநிலையில் காரிமங்கலம் சந்தை பகுதியில் நேற்று போலீசார் அஸ்வினை கைது செய்தனர்.