அரூர் அருகே கஞ்சா விற்றவர் கைது

தர்மபுரி:

அரூர் அருகே மதுவிலக்கு பிரிவு போலீசார் தீவிர ரோந்து பணியில் ஈடுபட்டனர். அப்போது குக்கல் மலை கிராமம் காட்டுவளவு பகுதியில் போலீசாரை கண்டதும் அங்கிருந்த நபர் ஓட்டம்பிடித்தார்.

அவரை துரத்தி சென்று போலீசார் சுற்று வளைத்து பிடித்தனர். அவரிடம் போலீசார் நடத்திய விசாரணையில், அதே பகுதியை சேர்ந்த சின்னசாமி (வயது 50) என்பதும், கஞ்சா விற்பனை செய்து வந்ததும் தெரியவந்தது. மேலும் அவருடைய வீட்டின் பின்புறம் 1½ கிலோ கஞ்சா பதுக்கி வைத்திருப்பதும்கண்டு பிடிக்கப்பட்டது.

இதையடுத்து போலீசார் அவரை கைது செய்து, கஞ்சாவை பறிமுதல் செய்தனர். மேலும் அவருக்கு கஞ்சா எங்கிருந்து கிடைத்தது? என்பது குறித்து திவீர விசாரணை நடத்தப்பட்டு வருகிறது.