காவேரிப்பட்டணம் அருகே கஞ்சா வைத்திருந்தவர் பிடிபட்டார்

காவேரிப்பட்டணம்:

காவேரிப்பட்டணம் போலீசார் சுப்பிரமணியபுரம் பகுதியில் ரோந்து சென்றனர். அங்கு பெட்ரோல் பங்க் அருகில் நின்ற நபரை சோதனை செய்தபோது அவர் 50 கிராம் கஞ்சா வைத்திருந்தது தெரியவந்தது. விசாரணையில் அவர் காவேரிப்பட்டணம் அருகே உள்ள திம்மாபுரம் காந்தி நகரை சேர்ந்த ஆகாஷ் (வயது 23) என தெரியவந்தது. இதையடுத்து போலீசார் அவரை கைது செய்தனர்.

அதேபோல பாகலூர் போலீசார் சித்தனப்பள்ளி அருகே ரோந்து சென்றனர். அந்த பகுதியில் கேட்பாரற்று கிடந்த ஒரு பையை சோதனை செய்தபோது அதில் 2 கிலோ கஞ்சா இருந்தது தெரியவந்தது. அதை பறிமுதல் செய்த போலீசார், அதை கொண்டு வந்தவர்கள் யார்? என விசாரணை நடத்தி வருகிறார்கள்.