கொண்டலாம்பட்டி அருகே கஞ்சா கடத்தலுக்கு உதவிய லாரி உரிமையாளர் கைது

கொண்டலாம்பட்டி:

சேலம் கொண்டலாம்பட்டி அருகே உள்ள நிலவரப்பட்டியை சேர்ந்தவர் யுவராஜ் (வயது 38), லாரி உரிமையாளர் மற்றும் டிரைவராகவும் உள்ளார். கடந்த 23-ந் தேதி அன்று கஞ்சா விற்றதாக 6 பேர் மீது கொண்டலாம்பட்டி போலீசார் வழக்குப்பதிவு செய்து 2 கிலோ கஞ்சாவை பறிமுதல் செய்தனர். இது தொடர்பாக 6 பேரையும் கைது செய்தனர். இந்த நிலையில் அந்த கஞ்சாவை கடத்தி விற்பதற்கு உதவியாக இருந்ததாக கூறப்படும் லாரி உரிமையாளர் யுவராஜ் போலீசிடம் சிக்காமல் இருந்துள்ளார். இந்த நிலையில், அவர் ரகசிய இடத்தில் பதுங்கி இருப்பதாக தகவல் கிடைத்தவுடன் அந்த இடத்திற்கு சென்ற போலீசார் யுவராஜை மடக்கி பிடித்து கைது செய்தனர்.