சாராயம் காய்ச்சியவர் கைது

காங்கயம்

காங்கயம் அருகே சிவியார்பாளையம் புதூர் பகுதியில் சாராயம் காய்ச்சி விற்கப்படுவதாக தாராபுரம் மதுவிலக்கு போலீசாருக்கு ரகசிய தகவல் கிடைத்தது.

இதையடுத்து தாராபுரம் மதுவிலக்கு போலீஸ் சப்-இன்ஸ்பெக்டர் கார்த்திக் தங்கம் தலைமையிலான போலீசார் அப்பகுதியில் ரோந்து சென்று சோதனை செய்தனர். அப்போது சிவியார்பாளையம்புதூர் பகுதியில் ஒரு தோட்டத்தில் அப்பகுதியை சேர்ந்த விஸ்வநாதன் (வயது 41) என்பவர் சாராயம் காய்ச்சி விற்பனைக்காக வைத்திருந்தது தெரியவந்தது. இதையடுத்து அவரை கைது செய்த போலீசார் அவரிடம் இருந்து 4 லிட்டர் சாராயம், 20 லிட்டர் சாராய ஊறலை பறிமுதல் செய்தனர்.