சாராயம் காய்ச்சியவர் கைது

கிருஷ்ணகிரி அருகே பெத்தனப்பள்ளி பகுதியில் சாராயம் காய்ச்சி விற்பதாக கிருஷ்ணகிரி மதுவிலக்கு போலீசாருக்கு ரகசிய தகவல் கிடைத்தது. இதையடுத்து கலால் இன்ஸ்பெக்டர் கிரிஜாராணி, சப்-இன்ஸ்பெக்டர் சிரஞ்சீவிகுமார் மற்றும் போலீசார் அப்பகுதியில் சோதனை நடத்தினர்.

இதில், வேட்டியம்பட்டியை சேர்ந்த சந்தோஷ்குமார் (வயது 33) என்பவர் சாராயம் காய்ச்சி விற்றது தெரிய வந்தது. இதையடுத்து அவரை போலீசார் கைது செய்தனர். தொடர்ந்து போலீசார் 9 லிட்டர் சாராயம் மற்றும் 250 லிட்டர் ஊறல் ஆகியவற்றை பறிமுதல் செய்து அழித்தனர்.