போலீஸ் ஏட்டுவின் செல்போனை உடைத்து கொலை மிரட்டல்; வாலிபர் கைது

தேவதானப்பட்டி அருகே உள்ள ஜெயமங்கலத்தில் நேற்று முன்தினம் ஆடிப்பெருக்கு விழா நடைபெற்றது. இதையொட்டி ஜெயமங்கலம் போலீஸ் நிலையத்தில் ஏட்டுவாக பணியாற்றும் தங்கம் (வயது 54), ஜெயமங்கலம் நால் ரோடு பிரிவு பகுதியில் பாதுகாப்பு பணியில் ஈடுபட்டிருந்தார். அப்போது ஜெயமங்கலம் காந்திநகர் காலனியை சேர்ந்த ராஜபாண்டி (28) என்பவர் அங்கு வந்தார்.

அவரை நிறுத்தி தங்கம் விசாரித்தார். அப்போது தங்கத்திடம் தகராறு செய்து அந்த வாலிபர், அவர் வைத்திருந்த செல்போனை பறித்து சாலையில் போட்டு உடைத்தார். மேலும் அவர் தங்கத்துக்கு கொலை மிரட்டல் விடுத்தார். இதுகுறித்து ஜெயமங்கலம் போலீஸ் நிலையத்தில் தங்கம் புகார் அளித்தார். அதன்பேரில் போலீசார் வழக்குப்பதிவு செய்து ராஜபாண்டியை கைது செய்தனர்.