ஓசூரில் கஞ்சா விற்ற பெண் கைது

ஓசூர்:

ஓசூர் டவுன் போலீசார், ராம்நகர் பகுதியில் ரோந்து சென்றனர். அங்கு சந்தேகத்திற்கு இடமாக ஒரு பெண் கையில் பையுடன் நின்று இருந்தார். போலீசார் அவரை சோதனை செய்த போது பையில் கஞ்சா விற்பனை செய்தது தெரிய வந்தது. அவரிடம் போலீசார் விசாரணை நடத்தினர். அப்போது அவர் ஓசூர் ராம்நகரை சேர்ந்த புஷ்பா (வயது45) என்பது தெரிந்தது. இதையடுத்து அவரை போலீசார் கைது செய்தனர். அவரிடம் இருந்து 100 கிராம் கஞ்சாவை போலீசார் பறிமுதல் செய்தனர்.