கெலமங்கலம் அருகே தொழிலாளியை தாக்கி செல்போன் பறித்த வாலிபர் கைது

ராயக்கோட்டை:

மேற்கு வங்க மாநிலத்தை சேர்ந்தவர் சஞ்ஜித் பட்நாயக் (வயது 23). இவர் கெலமங்கலம் அருகே உள்ள அக்கொண்டபள்ளி பகுதியில் தங்கியிருந்து தனியார் நிறுவனத்தில் தொழிலாளியாக வேலை செய்து வருகிறார். இவர் நேற்று முன்தினம் பணி முடிந்து அறைக்கு வந்தார். அப்போது மோட்டார் சைக்கிளில் வந்த ஒரு நபர், சஞ்சித் பட்நாயக்கை கத்தியை காட்டி மிரட்டி செல்போன் மற்றும் பணத்தை பறித்தார். சஞ்சித் பட்நாயக்கின் சத்தம் கேட்டு அக்கம் பக்கத்தினர் வந்து அந்த வாலிபரை பிடித்து கெலமங்கலம் போலீசில் ஒப்படைத்தனர். போலீசார் நடத்திய விசாரணையில் அந்த நபர் ஒன்னல்வாடியை சேர்ந்த சிவானந்தம் என்ற கபாலி (25) என்பது தெரியவந்தது. இதையடுத்து அவரை போலீசார் கைது செய்தனர்.