காட்டுப்பன்றியை வேட்டையாடிய விவசாயி கைது

தேன்கனிக்கோட்டை:

தளி அருகே ஜவளகிரி வனப்பகுதியில் வனச்சரக அலுவலர் சுகுமார் தலைமையில் வனக்காப்பாளர் ஆறுமுகம், வனவர் ஆனந்த் உள்ளிட்ட வனத்துறையினர் ரோந்து பணியில் ஈடுபட்டனர். அப்போது வனப்பகுதியில் ஒருவர் காட்டுப்பன்றியை வேட்டையாடி எடுத்து சென்றார். இதனையடுத்து வனத்துறையினர் அவரை பிடித்து விசாரணை நடத்தினர். அவர் தேன்கனிக்கோட்டை அருகேயுள்ள தின்னூர் கிராமத்தை சேர்ந்த விவசாயி ஜோசப் (வயது 77) என்பதும், ஜவளகிரி வனப்பகுதியில் வலை விரித்து காட்டுப்பன்றியை வேட்டையாடியதும் தெரிந்தது. இதையடுத்து வனத்துறையினர் அவரை கைது செய்தனர். மேலும் காட்டுப்பன்றி, வலை உள்ளிட்ட பொருட்களை பறிமுதல் செய்தனர்.