மோட்டார் சைக்கிள் திருடிய கட்டிட மேஸ்திரி கைது

பாலக்கோடு:

பாலக்கோடு தீர்த்தகிரி நகரை சேர்ந்தவர் சதீஷ் (வயது28). இவர் அங்குள்ள துணிக்கடையில் வேலை செய்து வருகிறார். நேற்று மாலை அங்குள்ள தேவாலயம் அருகில் அவர் நிறுத்தி இருந்த மோட்டார் சைக்கிள் திருட்டு போனது. இதனால் அதிர்ச்சி அடைந்த சதீஷ் மோட்டார் சைக்கிளை தேடினர்.

அப்போது வட்டார வளர்ச்சி அலுவலக சாலையில் ஒருவர் மோட்டார் சைக்கிளை தள்ளி சென்றது தெரியவந்தது. அந்த நபருக்கு சதீஷ் மற்றும் பொதுமக்கள் தர்ம அடி கொடுத்து பாலக்கோடு போலீசில் ஒப்படைத்தனர். போலீசார் நடத்திய விசாரணையில் அந்த நபர் கடமடையை சேர்ந்த கட்டிட மேஸ்திரி பாபு (36) என்பது தெரியவந்தது. இதையடுத்து அவரை போலீசார் கைது செய்தனர்.