பெரியகுளத்தில் சிறுமியை கேலி, கிண்டல் செய்த வாலிபர் கைது

பெரியகுளம் வடகரை, அழகர்சாமிபுரத்தை சேர்ந்தவர் சிபிராஜ் (வயது 20). இவர் 11 வயது சிறுமியை கேலி, கிண்டல் செய்துள்ளார். மேலும் அந்த சிறுமியை பார்த்து ஆபாச செய்கை செய்ததாக கூறப்படுகிறது.

இதுகுறித்து அந்த சிறுமி தனது பெற்றோரிடம் தெரிவித்தார். அவர்கள் இதுகுறித்து பெரியகுளம் போலீஸ் நிலையத்தில் புகார் அளித்தனர். அதன்பேரில் போலீசார் போக்சோ சட்டத்தின்கீழ் வழக்குப்பதிவு செய்து, சிபிராஜை கைது செய்தனர்.