மனைவியை தாக்கிய டிரைவர் கைது

தேன்கனிக்கோட்டை

தேன்கனிக்கோட்டை யாரப் நகரை சேர்ந்தவர் முஜாமில் ஷெரீப் (வயது 30). டிரைவர். இவரது மனைவி நிகா பர்னாஷ் (28). இவர்கள் 8 ஆண்டுகளுக்கு முன்பு காதலித்து திருமணம் செய்து கொண்டனர். இந்த தம்பதிக்கு 2 மகன்கள் உள்ளனர். இந்த நிலையில் முஜாமில் ஷெரீப்பிற்கு மது குடிக்கும் பழக்கம் இருந்தது.

மேலும் வேறு ஒரு பெண்ணுடன் அவருக்கு கள்ளத்தொடர்பு இருந்ததாக கூறப்படுகிறது. இதுகுறித்து அறிந்த நிகா பர்னாஷ் கணவரை கண்டித்ததாக தெரிகிறது. இதுதொடர்பாக அவர்களுக்குள் தகராறு ஏற்பட்டுள்ளது. இதில் ஆத்திரமடைந்த முஜாமில் ஷெரீப் மனைவியை தாக்கினார்.

இது குறித்து அவர் தேன்கனிக்கோட்டை போலீசில் புகார் செய்தார். அதன்பேரில் போலீசார் வழக்குப்பதிவு செய்து முஜாமில் செரீப்பை கைது செய்தனர்.