லாட்டரி சீட்டுகள் விற்ற 8 பேர் கைது

கிருஷ்ணகிரி மாவட்டத்தில் தடைசெய்யப்பட்ட லாட்டரி விற்பனையை தடுக்க போலீசார் தீவிர ரோந்து சென்று கண்காணித்தனர். அப்போது லாட்டரி சீட்டு விற்ற ஊத்தங்கரை நாராயணன் நகர் சசிக்குமார் (வயது 48), மாதேப்பள்ளி சபிநசீர் சாயு (48), போச்சம்பள்ளி பெரியண்ணன் (55), கிருஷ்ணகிரி பழையபேட்டை ஜாகீர் உசேன் (53), கெலமங்கலம் தொட்டேகானப்பள்ளி முருகேஷ் (42), தேன்கனிக்கோட்டை ஜான்பாஷா (42), எசனுல்லா (35), ராயக்கோட்டை சீனிவாசன் (54) ஆகிய 8 பேரையும் போலீசார் கைது செய்தனர். அவர்களிடம் இருந்து ரூ.2,250 மற்றும் லாட்டரி சீட்டுகள் பறிமுதல் செய்யப்பட்டன.