ஓசூரில் பிரபல ரவுடி கைது

ஓசூர்

ஓசூர் டவுன் போலீசார் ராம்நகர் பகுதியில் ரோந்து சென்றனர். அங்கு பெட்ரோல் பங்க் அருகில் ஒருவர் பொதுமக்களுக்கு இடையூறாக தகராறில் ஈடுபட்டார். அவரை போலீசார் பிடித்து விசாரணை நடத்தினர். அவர் ஓசூர் அலசநத்தம் தோட்டகிரி சாலையை சேர்ந்த பர்கத் (வயது30) என்பதும், பிரபல ரவுடி என்பதும், ஓசூர் டவுன் போலீஸ் நிலையத்தில் கொலை முயற்சி வழக்குகள் உள்பட 13 வழக்குகள் இருப்பதும் தெரிய வந்தது. இதையடுத்து அவரை போலீசார் கைது செய்தனர்.