இருதரப்பினர் மோதல்; 2 பேர் கைது

கிருஷ்ணகிரி

கிருஷ்ணகிரி அருகே உள்ள கொண்டேப்பள்ளியை சேர்ந்தவர் சுப்பிரமணி (வயது 35). ராணுவ வீரர். சஜ்ஜலப்பட்டியை சேர்ந்தவர் சந்திரன் (26). சுப்பிரமணி, சந்திரனுக்கு ரூ.50 ஆயிரம் ஒரு ஆண்டுக்கு முன்பு கொடுத்ததாக கூறப்படுகிறது. சம்பவத்தன்று சுப்பிரமணி, உறவினர் சந்துரு (19) என்பவருடன் சந்திரனிடம் பணத்தை திரும்ப கேட்டுள்ளனர். அப்போது அவர் பணம் தர மறுத்து விட்டதாக கூறப்படுகிறது. இதுதொடர்பாக இருதரப்பினருக்கும் இடையே தகராறு ஏற்பட்டு ஒருவரை ஒருவர் தாக்கி கொண்டனர். இது குறித்து சுப்பிரமணி கிருஷ்ணகிரி தாலுகா போலீசில் புகார் செய்தார். அதன் பேரில் போலீசார் வழக்குப்பதிவு செய்து சந்திரன், செல்வி (30) ஆகிய 2 பேரையும் கைது செய்தனர். அதேபோல சந்திரனின் தாய் சரோஜா கொடுத்த புகாரின் பேரில் சுப்பிரமணி, சந்துரு ஆகிய 2 பேர் மீதும் போலீசார் வழக்குப்பதிவு செய்து விசாரணை நடத்தி வருகிறார்கள்.