ஆவின் ஊழியர்கள் போராட்டம்

ஆவின் ஊழியர்களுக்கு அகவிலைப்படி உயர்வை வழங்க வேண்டும் என்ற கோரிக்கையை வலியுறுத்தி நேற்று பாளையங்கோட்டை ரெட்டியார்பட்டியில் உள்ள ஆவின் தலைமை அலுவலகத்தில் அனைத்து ஊழியர்களும் கருப்பு பேட்ஜ் அணிந்து பணியாற்றினார்கள்.

இதைத் தொடர்ந்து அவர்கள் அலுவலகம் முன்பு போராட்டத்தில் ஈடுபட்டனர். போராட்டத்திற்கு விற்பனை பிரிவை சார்ந்த இம்மானுவேல் தலைமை தாங்கினார். அவர் பேசுகையில், பெரும்பாலான துறைகளை சேர்ந்த அரசு ஊழியர்களுக்கு அகவிலைப்படி உயர்வு வழங்கப்பட்டு விட்டது. எங்களுக்கு வழங்கப்படாததை அரசின் கவனத்திற்கு கொண்டு செல்வதற்காக பொங்கலுக்கு முன்னதாக அடையாள போராட்டம் நடத்தினோம். ஆனால் எங்களுக்கு அகவிலைப்படி வழங்க எவ்வித நடவடிக்கையும் எடுக்கப்படவில்லை. எனவே அகவிலைப்படி உயர்வு கேட்டு தொடர்ந்து போராட்டத்தில் ஈடுபட்டு வருகிறோம். எங்களுடைய கோரிக்கை நிறைவேறாத பட்சத்தில் வருகிற 4-ந் தேதி நெல்லை பால் உற்பத்தியாளர் ஒன்றியம் சார்பில் ரெட்டியார்பட்டி ஆவின் வாயில் முன்பு ஒருநாள் அடையாள உண்ணாவிரத போராட்டத்தில் ஈடுபட உள்ளோம்" என்றார்.