ரெயிலில் இருந்து தவறி விழுந்த அசாம் மாநில வாலிபர் பலி

திருப்பத்தூர் மாவட்டம் ஜோலார்பேட்டை ஒன்றியத்திற்குட்பட்ட பாச்சல் ஊராட்சி புளியங்கொட்டை பகுதி அருகே வடமாநிலத்தைச் சேர்ந்த வாலிபர் ஒருவர் ரெயில் படிக்கட்டில் பயணம் செய்தவர் தவறி கீழே விழுந்து சம்பவ இடத்திலேயே பரிதாபமாக உயிரிழந்தார்

இதுகுறித்து தகவல் அறிந்ததும் ஜோலார்பேட்டை ரெயில்வே போலீசார் சம்பவ இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர்.

போலீசார் விசாரணையில் இறந்தவர் அசாம் மாநிலம் கல்யான்பூர் பகுதி சேர்ந்தவர் ஜெலில் அலி (வயது 32) என்பதும், கேரள மாநிலம் திருச்சூரில் கோழி கறி கடையில் வேலை செய்து வந்ததும் தெரியவந்தது.

இந்த சம்பவம் குறி்தது ஜோலார்பேட்டை ரெயில்வே ஏட்டு புஷ்பா, காவலர் சிலம்பரசன் மற்றும் போலீசார் வழக்குப்பதிவு செய்து விசாரணை நடத்தி வருகின்றனர்.