தம்பதி மீது தாக்குதல்

தேனி அருகே உள்ள அரண்மனைப்புதூரை சேர்ந்தவர் மாரியப்பன் (வயது 43). இவரது தம்பி சித்துராஜ். இவர்கள் இருவருக்கும் இடையே ஏற்பட்ட தகராறு தொடர்பாக சித்துராஜ் பழனிசெட்டிபட்டி போலீஸ் நிலையத்தில் புகார் செய்தார். அதன்பேரில் கைது செய்யப்பட்ட மாரியப்பன் ஜாமீனில் வெளியே வந்தார்.

இந்நிலையில், மாரியப்பன் தனது மனைவி சுமதியுடன் கடைக்கு சென்று வரும் போது அவர்களை வழிமறித்து சித்துராஜ் தகராறு செய்தார். அப்போது அவர் மாரியப்பன், சுமதி ஆகிய 2 பேரையும் தாக்கினார். இதுகுறித்து பழனிசெட்டிபட்டி போலீஸ் நிலையத்தில் மாரியப்பன் புகார் செய்தார். அதன்பேரில் சித்துராஜ் மீது போலீசார் வழக்குப்பதிவு செய்து விசாரணை நடத்தி வருகின்றனர்.