அந்தியூர் கூட்டுறவு சங்கத்தில் ரூ.5 லட்சத்துக்கு வாழைத்தார் விற்பனை

அந்தியூர்

அந்தியூர் வேளாண்மை உற்பத்தியாளர்கள் கூட்டுறவு சங்கத்தில் வாழைப்பழம் ஏலம் நடைபெற்றது. இந்த ஏலத்துக்கு அந்தியூர், அத்தாணி, ஆப்பக்கூடல், வெள்ளித்திருப்பூர், எண்ணமங்கலம், கோவிலூர், சென்னம்பட்டி, சனிச்சந்தை உள்பட பல்வேறு பகுதிகளில் இருந்து ஏராளமான விவசாயிகள் 1,850 வாழைத்தாா்களை விற்பனைக்காக கொண்டு வந்திருந்தனர்.

இதில் கதலி வாழைப்பழம் கிலோ ஒன்று ரூ.60-க்கும், நேந்திரன் வாழைப்பழம் ரூ.50-க்கும் விற்பனை ஆனது. பூவன் (தார் ஒன்று) ரூ.800-க்கும், செவ்வாழை ரூ.980-க்கும், தேன்வாழை ரூ.1,000-க்கும், மொந்தன் ரூ.400-க்கும், ரொபஸ்டா ரூ.380-க்கும், ரஸ்தாலி ரூ.700-க்கும் விற்பனை செய்யப்பட்டது. வாழைத்தார்கள் மொத்தம் ரூ.4 லட்சத்து 96 ஆயிரத்துக்கு ஏலம் போனது.