அந்தியூர் கால்நடை சந்தையில் ரூ.2 லட்சத்துக்கு காங்கேயம் காளை மாடு ஜோடி விற்பனை

அந்தியூர்

அந்தியூர் கால்நடை சந்தையில் ரூ.2 லட்சத்துக்கு காங்கேயம் காளை மாடு ஜோடி விற்பனையானது.

காங்கேயம் காளை மாடு

அந்தியூரில் கால்நடை சந்தை நடைபெற்றது. இதற்கு அந்தியூர், அத்தாணி, ஆப்பக்கூடல், கள்ளிப்பட்டி, தர்மபுரி, மேட்டூர், பண்ணவாடி, கொளத்தூர், எடப்பாடி, கொங்கணாபுரம் உள்பட பல்வேறு பகுதியில் இருந்து ஏராளமான கால்நடைகள் விற்பனைக்காக கொண்டுவரப்பட்டன. இதில் காங்கேயம் காளை மாடு ஜோடி குறைந்தபட்ச விலையாக ரூ.1 லட்சத்து 50 ஆயிரத்துக்கும், அதிகபட்சமாக ரூ.2 லட்சத்துக்கும், கொங்கு காளை மாடு ஜோடி குறைந்தபட்சமாக ரூ.80 ஆயிரத்துக்கும், அதிகபட்சமாக ரூ.1 லட்சத்து 50 ஆயிரத்துக்கும் விற்பனையானது.

நாட்டு பசு மாடு ஒன்று ரூ.40 ஆயிரத்தில் இருந்து ரூ.60 ஆயிரத்துக்கும், சிந்து பசுமாடு ஒன்று ரூ.20 ஆயிரத்தில் இருந்து ரூ.40 ஆயிரத்துக்கும், ஜெர்சி பசுமாடு ஒன்று ரூ.25 ஆயிரத்தில் இருந்து ரூ.50 ஆயிரத்துக்கும், எருமை மாடு ஒன்று ரூ.30 ஆயிரத்தில் இருந்து ரூ.70 ஆயிரத்துக்கும் விற்பனையானது.

பர்கூர் பசுமாடு

பர்கூர் பசுமாடு ஒன்று ரூ.20 ஆயிரத்தில் இருந்து ரூ.40 ஆயிரத்துக்கும், பர்கூர் காளை மாடு ஜோடி ரூ.30 ஆயிரத்தில் இருந்து ரூ.40 ஆயிரத்துக்கும், அதன் கன்று குட்டி ஒன்று ரூ.5 ஆயிரத்தில் இருந்து ரூ.15 ஆயிரத்துக்கும் விற்பனையானது.

ஈரோடு, பெருந்துறை, திருப்பூர், கோவை, சத்தியமங்கலம், மேட்டுப்பாளையம், ஊட்டி மற்றும் கேரளா மாநில பகுதியில் இருந்தும் வியாபாரிகள் வந்து கால்நடைகளை விலை பேசி வாங்கிசென்றனர்.