அந்தியூர் கால்நடை சந்தையில் காங்கேயம் காளை மாடு ஜோடி ரூ.1¾ லட்சத்துக்கு விற்பனை

அந்தியூர்

அந்தியூர் கால்நடை சந்தையில் காங்கேயம் காளை மாடு ஜோடி ரூ.1¾ லட்சத்துக்கு விற்பனை ஆனது.

கால்நடை சந்தை

அந்தியூர் கால்நடை சந்தையில் மாடுகள் விற்பனை நடைபெற்றது.

இந்த சந்தைக்கு அந்தியூர், ஈரோடு, மேட்டூர், கொளத்தூர், பண்ணவாடி, தர்மபுரி, பர்கூர், எடப்பாடி உள்பட பல்வேறு பகுதிகளில் இருந்து ஏராளமான விவசாயிகள் தங்களுடைய மாடுகளை விற்பனைக்காக கொண்டு வந்திருந்தனர்.

ஜெர்சி பசு மாடு ஒன்று குறைந்தபட்ச விலையாக ரூ.20 ஆயிரத்துக்கும், அதிகபட்ச விலையாக ரூ.40 ஆயிரத்துக்கும், சிந்து பசு மாடு ஒன்று குறைந்தபட்ச விலையாக ரூ.25 ஆயிரத்துக்கும், அதிகபட்ச விலையாக ரூ.45 ஆயிரத்துக்கும், நாட்டு பசு மாடு ஒன்று குறைந்தபட்ச விலையாக ரூ.30 ஆயிரத்துக்கும், அதிகபட்ச விலையாக ரூ.70 ஆயிரத்துக்கும், எருமை மாடு ஒன்று குறைந்த பட்சம் ரூ.30 ஆயிரத்துக்கும், அதிகபட்ச விலையாக ரூ.75 ஆயிரத்துக்கும், கன்றுக்குட்டி ஒன்று குறைந்தபட்ச விலையாக ரூ.5 ஆயிரத்துக்கும் அதிகபட்ச விலையாக ரூ.15 ஆயிரத்துக்கும் விற்பனை ஆனது.

ரூ.1¾ லட்சம்

காங்கேயம் காளை மாடு ஜோடி குறைந்தபட்ச விலையாக ரூ.1 லட்சத்துக்கும், அதிகபட்ச விலையாக ரூ.1 லட்சத்து 80 ஆயிரத்துக்கும், கொங்கு காளை மாடு ஜோடி ரூ.80 ஆயிரத்துக்கும், அதிகபட்ச விலையாக ரூ.1 லட்சத்து 50 ஆயிரத்துக்கும் விற்பனை செய்யப்பட்டது.

ஈரோடு, பெருந்துறை, பொள்ளாச்சி, திருப்பூர், கோவை, சத்தியமங்கலம், மேட்டுப்பாளையம், மேட்டூர் உள்பட பல்ேவறு பகுதிகளில் இருந்து ஏராளமான விவசாயிகள் மற்றும் வியாபாரிகள் இங்கு வந்து மாடுகளை வாங்கி சென்றனர்.