அந்தியூர் கூட்டுறவு சங்கத்தில்ரூ.4½லட்சத்துக்கு வாழைத்தார் ஏலம்

அந்தியூர் புதுப்பாளையம் வேளாண்மை உற்பத்தியாளர் கூட்டுறவு சங்கத்தில் வாழைத்தார் ஏலம் நடந்தது. இதற்கு அந்தியூர், அத்தாணி, கீழ்வானி, மூங்கில்பட்டி, எண்ணமங்கலம், கோவிலூர், சென்னம்பட்டி, ஜரத்தல் உள்பட பல்வேறு பகுதிகளில் இருந்து 1,930 வாழைத்தார்கள் கொண்டு வரப்பட்டன. இதில் கதலி (கிலோ) ரூ.55-க்கும் நேந்திரம் ரூ.28-க்கும் ஏலம் போனது.

பூவன் (தார்) ரூ.520-க்கும், செவ்வாழை ரூ.850-க்கும், ரஸ்தாளி ரூ.550-க்கும் தேன்வாழை ரூ.500-க்கும், மொந்தன் ரூ.300-க்கும், ரொபஸ்டா ரூ.320-க்கும் ஏலம் போனது. மொத்தம் ரூ.4 லட்சத்து 61ஆயிரத்து 219-க்கு வாழைத்தார்கள் விற்பனை செய்யப்பட்டன. ஈரோடு, சத்தியமங்கலம், திருப்பூர், கோவை, மேட்டுப்பாளையம், ஊட்டி மற்றும் கேரளா மாநிலத்தின் பல்வேறு பகுதிகளில் இருந்து வந்த வியாபாரிகள் வாழைத்தார்களை ஏலம் எடுத்து சென்றனர்.