சீனாபுரம் கால்நடை சந்தையில் விர்ஜின் கலப்பின பசு மாடு ஒன்று ரூ.65 ஆயிரத்துக்கு விற்பனை

பெருந்துறை

சீனாபுரம் கால்நடை சந்தையில் விர்ஜின் கலப்பின பசு மாடு ஒன்று ரூ.65 ஆயிரத்துக்கு விற்பனை ஆனது.

கால்நடை சந்தை

பெருந்துறை அருகே உள்ள சீனாபுரத்தில் நேற்று கால்நடை சந்தை நடைபெற்றது.

இதில் விர்ஜின் கலப்பின பசு மாடுகள் 150-ம், அதன் கிடாரி கன்றுக்குட்டிகள் 120-ம், சிந்து மற்றும் ஜெர்சி இன பசு மாடுகள் 100-ம், அதன் கிடாரி கன்றுக்குட்டிகள் 150-ம் விற்பனைக்காக கொண்டு வரப்பட்டிருந்தன.

நேற்று நடந்த சந்தையில் விர்ஜின் கலப்பின பசு மாடு ஒன்று குறைந்தபட்ச விலையாக ரூ.35 ஆயிரத்துக்கும், அதிகபட்ச விலையாக ரூ.65 ஆயிரத்துக்கும், அதன் கிடாரி கன்றுக்குட்டி ஒன்று குறைந்தபட்ச விலையாக ரூ.25 ஆயிரம் முதல் ரூ.45 ஆயிரம் வரையும், விற்பனை ஆனது.

ரூ.1¼ கோடிக்கு...

சிந்து மற்றும் ஜெர்சி இன பசு மாடு ஒன்று குறைந்த பட்ச விலையாக ரூ.25 ஆயிரத்துக்கும், அதிகபட்ச விலையாக ரூ.35 ஆயிரத்துக்கும், அதன் கிடாரி கன்றுக்குட்டி ஒன்று குறைந்தபட்ச விலையாக ரூ.8 ஆயிரத்துக்கும், அதிகபட்ச விலையாக ரூ.20 ஆயிரத்துக்கும் விற்பனை செய்யப்பட்டது.

சீனாபுரம் கால்நடை சந்தையில் மாடுகள் மொத்தம் ரூ.1 கோடியே 25 லட்சத்துக்கு விற்பனை ஆனதாக சந்தை நிர்வாகிகள் தெரிவித்தனர்.