ஈரோடு பெட்ரோல் 'பங்க்'கில்வாகன ஓட்டிகளிடம் வாக்கு சேகரித்த அமைச்சர்

ஈரோடு கிழக்கு தொகுதி இடைத்தேர்தலில் தி.மு.க. கூட்டணி சார்பில் காங்கிரஸ் கட்சியின் வேட்பாளர் ஈ.வி.கே.எஸ்.இளங்கோவன் போட்டியிடுகிறார். அவருக்கு ஆதரவு தெரிவித்து திருப்பூர் வடக்கு மாவட்ட செயலாளர் க.செல்வராஜ் எம்.எல்.ஏ. தலைமையில் தமிழ்நாடு சுற்றுலா துறை அமைச்சர் கா.ராமச்சந்திரன் ஈரோடு திருநகர் காலனியில் தேர்தல் பிரசாரத்தில் ஈடுபட்டார். அப்போது கே.என்.கே.ரோட்டில் உள்ள ஒரு பெட்ரோல் 'பங்க்'கிற்கு சென்ற அமைச்சர் கா.ராமச்சந்திரன், அங்கு வரும் வாகன ஓட்டிகளிடம் ஓட்டு கேட்டார். அப்போது அவர் துண்டு பிரசுரங்களை வினியோகம் செய்து கை சின்னத்துக்கு வாக்குகளை சேகரித்தார். மேலும் தி.மு.க. அரசின் திட்டங்களை எடுத்துக்கூறினார்.

இந்த பிரசாரத்தின்போது தி.மு.க. பகுதி செயலாளர் ராமச்சந்திரன், கவுன்சிலர் ஜெயந்தி, வட்ட செயலாளர் பாலன் உள்பட உடன் சென்றார்கள்.