விளாத்திகுளம் மீனாட்சி அம்மன் கோவிலில்பைரவருக்கு அஷ்டமி பூஜை

எட்டயபுரம்:

தேய்பிறை அஷ்டமியை முன்னிட்டு விளாத்திகுளம் மீனாட்சி சுந்தரேஸ்வரர் ஆலயத்தில் உள்ள கால பைரவர் சன்னதியில் அஷ்டமி பூஜை நடந்தது. இதை முன்னிட்டு பைரவருக்கு பால், தயிர், சந்தனம், சீயக்காய், இளநீர், பச்சரிசி, தேன், மஞ்சள் உள்ளிட்ட பொருட்களை கொண்டு சிறப்பு அபிஷேகங்கள் செய்யப்பட்டு பூ, வில்வ இலை, வடை உள்ளிட்டவைகளைக் கொண்டு மாலை சாற்றி, சிறப்பு அலங்கார தீபாரதனை நிகழ்ச்சி நடந்தது. இதில் விளாத்திகுளம் பகுதியைச் சேர்ந்த ஏராளமான பக்தர்கள் கலந்து கொண்டு சாமி தரிசனம் செய்தனர்.